Հազարավոր սիրիացի զինծառայողների պատրաստվում են ուղարկել Սաուդյան Արաբիա և Եմեն՝ հութիների դեմ պայքարում Եմենի կառավարությանն աջակցելու համար, հայտնել է AFP-ն՝ հղում կատարելով Եմենի իշխանությունների ներկայացուցիչներին։ Եմենի երեք ռազմական աղբյուրների և պաշտպանական գերատեսչության ներկայացուցչի տվյալներով՝ հարյուրավոր սիրիացի զինծառայողներ արդեն տեղակայված են Սաուդյան Արաբիայի և Եմենի սահմանի երկու կողմերում։ Սաուդյան Արաբիայի աջակցությունը վայելող Եմենի կառավարության վարչակազմի աղբյուրը և երկրի պաշտպանության նախարարության զրուցակիցը հայտնել են, որ առաջիկայում սպասվում է ևս հազարավոր զինծառայողների տեղափոխում՝ հութիների դեմ պայքարին մասնակցելու համար։ Այս միջոցները ձեռնարկվում են հութիներին հակազդելու և Ադենում տեղակայված Եմենի կառավարության դիրքերն ամրապնդելու նպատակով միջազգային աջակցություն ստանալու՝ Էր Ռիադի ջանքերի ֆոնին։