«ԱԼԻՔ» – Նախաձեռնութեամբ Նոր Ջուղայի Հ. Մ. Մ. «Արարատ» միութեան Մշակութային միաւորի, ուրբաթ, նոյեմբերի 6-ի երեկոյեան, միութեան դահլիճում կազմակերպւել էր գեղարւեստական յայտագրով յագեցած երեկոյ, որի առանցքում էր իրանահայ բանաստեղծ Վարանդը: Գեղարւեստական յայտագրում Մշակութային միաւորի «Կռունկ» ասմունքի խումբը ներկայացրեց բանաստեղծ Վարանդի ստեղծագործութիւնները, հէնց բանաստեղծի ներկայութեամբ: Միջոցառումը կրում էր «Արեւի ճամբորդ» խորագիրը: Ծրագրում պարերի ներկայացմամբ հանդէս եկաւ «Կռունկ» պարախումբը, երեկոն մեկտեղւած էր երգերով եւ բեմականացւած կատարումով: Աւարտին բեմ հրաւիրւեց բանաստեղծ Վարանդը եւ միութեան Կենտրոնական վարչութեան նախագահի եւ Մշակութային միաւորի վարչութեան նախագահի ձեռամբ գնահատագիր յանձնւեց նրան: Ամբողջութիւնը թերթիս յառաջիկայ համարում: