ԵՐԵՎԱՆ, 4 նոյեմբերի – Sputnik. Շուրջ 7 ժամ տևած խուզարկությունից հետո ԱԱԾ դիմակավորված աշխատակիցներն առանձնատան հետնամուտքից տարան «Ուժեղ Հայաստան» կուսակցության առաջնորդ Սամվել Կարապետյանին։ Բակում հավաքված կողմնակիցները նրան ճանապարհեցին «Սամվե՜լ, Սամվե՜լ» վանկարկումներով։ Նրա խոսքով՝ առայժմ ստույգ տեղեկություն չունեն, թե ուր են տարել Սամվել Կարապետյանին, նախնական տվյալներով՝ քննչական կոմիտե։Ավելի ուշ Sputnik Արմենիային ՔԿ-ից հայտնեցին, որ Սամվել Կարապետյանն ունի ձերբակալվածի կարգավիճակ։Հիշեցնենք, որ այսօր վաղ առավոտից ՀՀ քննչական կոմիտեի ծառայողները խուզարկություն էին իրականացնում «Ուժեղ Հայաստանի» առաջնորդ Սամվել Կարապետյանի, խմբակցության ղեկավար Նարեկ Կարապետյանի տներում։ ՔԿ-ն ավելի ուշ հաղորդագրություն տարածեց՝ նշելով, որ կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթի շրջանակում 65 հասցեներում իրականացվում են միաժամանակյա խուզարկություններ։Հավելենք, որ 2025 թ. դեկտեմբերի 30-ից Սամվել Կարապետյանը տնային կալանքի տակ էր։