Այսօր՝ Երեքշաբթի 3 Նոյեմբերին, մեկնարկը կարատուեցաւ սուրիական-չինական տնտեսական զարգացման խորհրդաժողովի աշխատանքներուն, որոնք կազմակերպուած են սուրիական-չինական գործարար խորհուրդին կողմէ՝ տնտեսութեան, ճարտարարուեստի եւ ներքին առեւտուրի ու սպառողներու պաշտպանութեան նախարարութիւններու գործակցութեամբ, Դամասկոսի «Ֆոր Սիզընզ» պանդոկին մէջ։ Խորհրդաժողովին կը մասնակցի տնտեսական պատուիրակութիւն մը, որ կը համախմբէ չինական 16 երեւելի ընկերութիւններ՝ մասնագիտացած շինարարութեան, ճարտարագիտութեան, շինանյութերու, սարքաւորումներու, ճարտարարուեստի, ներդրումներու, շուկայավարման եւ վերակառուցման մարզերուն մէջ, ինչպէս նաեւ սուրիական պետական մարմիններու ներկայացուցիչներ։ Խորհրդաժողովի օրակարգը կը կեդրոնանայ Սուրիոյ մէջ չինական ներդրումներու գործնական ընթացքի մը մեկնարկին վրայ՝ ներդրումային առիթները գետնի վրայ իրական ծրագրերու եւ տնտեսական գործընկերութիւններու վերածելու նպատակով, ինչ որ կը նպաստէ երկու կողմերու փոխադարձ շահերուն եւ կը զօրակցի վերակառուցման ջանքերուն։ The post ԴԱՄԱՍԿՈՍԻ ՄԷՋ՝ ՍՈՒՐԻԱԿԱՆ-ՉԻՆԱԿԱՆ ՆԵՐԴՐՈՒՄԱՅԻՆ ԽՈՐՀՐԴԱԺՈՂՈՎ appeared first on Գանձասար .