Հայաստանի խառը մենամարտերի (MMA) հավաքականը կմասնակցի Խառը մենամարտերի միջազգային ֆեդերացիայի (IMMAF) հովանու ներքո անցկացվող աշխարհի 2026 թվականի առաջնությանը։ Մրցաշարը տեղի կունենա նոյեմբերի 1-ից 7-ը Թբիլիսիում։ Աշխարհի առաջնությունում Հայաստանը կներկայացնեն հինգ մարզիկներ, որոնք հանդես կգան երկու տարիքային խմբերում՝ մեծահասակների և մինչև 20 տարեկանների (U20) պայքարում։ Մեծահասակների հավաքականի կազմում ընդգրկվել են երեք մարզիկներ՝ աշխարհի առաջնության բրոնզե և Եվրոպայի առաջնության արծաթե մեդալակիր Արթուր Ասոյանը, Մկրտիչ Վարդանյանը և Վահան Մաթևոսյանը։ Մինչև 20 տարեկանների խմբում ընդգրկվել են 2024 թվականի IMMAF-ի մինչև 20 տարեկանների աշխարհի չեմպիոն Արայիկ Սահակյանը և Օնիկ Մարտիրոսյանը։