Վրաստանում շնչառական վիրուսների շրջանը մտել է ակտիվ փուլ։ Իաշվիլիի և Ցիցիշվիլիի անվան մանկական կլինիկայի բժշկական տնօրեն Մայա Չխաիձեն հայտնում է, որ Վրաստանում այս փուլում ամենաշատ տարածվածը ռինովիրուսն է, թեև շրջանառվում են նաև ադենովիրուսը, ռեսպիրատոր-սինցիտիալ վիրուսը (RSV), էնտերովիրուսները և մետապնևմովիրուսը։ BMGTV-ի «Քալեբիս նարատիվի» հաղորդման ընթացքում նա նշել է, որ A տիպի գրիպի վիրուսի դեպքերը դեռևս համեմատաբար փոքր մասնաբաժին են կազմում, սակայն նոյեմբերից սպասվում է դրանց տարածման աճ։ Զուգահեռաբար, սեզոնային գրիպի դեմ պատվաստումներն արդեն մեկնարկել են։ «Ամենաշատ դեպքերը ռինովիրուսինն են՝ մոտ 50%-ից 54%: Սա վիրուս է, որը թե՛ մեծահասակները, թե՛ փոքրիկները թեթև են տանում, և սովորաբար հոսպիտալացման կարիք չի լինում», — հայտարարել է Մայա Չխաիձեն։ Նրա պարզաբանմամբ՝ այս փուլում հատուկ ուշադրություն է պահանջում ռեսպիրատոր-սինցիտիալ վիրուսը, որի մասնաբաժինը կազմում է մոտ 8%: Այն հատկապես մտահոգիչ է մինչև երկու տարեկան երեխաների համար, քանի որ կարող է առաջացնել բրոնխիոլիտ և հոսպիտալացման անհրաժեշտություն ստեղծել։ The post Վրաստանում ակտիվացել է վիրուսային սեզոնը․ ամենատարածվածը ռինովիրուսն է appeared first on AliQ Media .