Թուրքիան, Սաուդյան Արաբիան, Պակիստանն ու Իրանը հոկտեմբերի 26-ին Թեհրանում կայացած քառակողմ հանդիպման ավարտին պայմանավորվել են շարունակել բանակցությունները՝ տարածաշրջանային խաղաղության և անվտանգության ամրապնդման, ինչպես նաև համագործակցության խորացման նպատակով։ Այս մասին ասվում է հանդիպման ավարտին հրապարակված համատեղ հայտարարությունում։ Կողմերը քննարկել են տարածաշրջանային անվտանգության հարցերը, Իսրայելի գործողությունները տարածաշրջանում, ինչպես նաև Պաղեստինում և Լիբանանում վերջին զարգացումները։ Հանդիպումը նախագահել է Իրանի ազգային անվտանգության բարձրագույն խորհրդի քարտուղար Մոհսեն Ռեզային։ Դրան մասնակցել են Թուրքիայի, Սաուդյան Արաբիայի և Պակիստանի պատվիրակությունները։ Հանդիպմանը ներկա են եղել նաև Իրանի նախագահ Մասուդ Փեզեշքիանը և արտաքին գործերի նախարար Աբբաս Արաղչին։ Թուրքիան ներկայացրել է Ազգային հետախուզական կազմակերպության ղեկավար Իբրահիմ Քալընը, Սաուդյան Արաբիան՝ պաշտպանության նախարար, արքայազն Խալիդ բին Սալմանը, իսկ Պակիստանը՝ ցամաքային զորքերի շտաբի պետ Ասիմ Մունիրը։ Գրառումը Թուրքիան, Սաուդյան Արաբիան, Պակիստանն ու Իրանը պայմանավորվել են շարունակել բանակցությունները տարածաշրջանային անվտանգության շուրջ appeared first on .