Վրաստանի ազգային վիճակագրական ծառայության (Սաքստատ) տվյալներով՝ 2026 թվականի հունվար-սեպտեմբեր ամիսներին Վրաստանի արտաքին առևտրաշրջանառությունը (առանց չհայտարարագրված առևտրի հաշվառման) կազմել է 20 535,3 միլիոն ԱՄՆ դոլար, ինչը 9,2%-ով ավելի է նախորդ տարվա նույն ժամանակահատվածի ցուցանիշից։ Սաքստատի տեղեկությունների համաձայն՝ արտահանումը կազմել է 6 153,2 միլիոն ԱՄՆ դոլար՝ աճելով 19,6%-ով, իսկ ներմուծումը՝ 14 382,0 միլիոն ԱՄՆ դոլար, ինչը 5,3%-ով ավելի է նախորդ տարվա նույն ժամանակահատվածի ցուցանիշից։ 2026 թվականի հունվար-սեպտեմբեր ամիսներին Վրաստանի արտաքին առևտրի բացասական հաշվեկշիռը կազմել է 8 228,8 միլիոն ԱՄՆ դոլար կամ արտաքին առևտրաշրջանառության 40,1%-ը։ Գերատեսչության հաշվետվության համաձայն՝ 2026 թվականի հունվար-սեպտեմբեր ամիսներին Վրաստանի արտաքին առևտրաշրջանառության ընդհանուր ծավալի 64,8%-ը բաժին է ընկել տասը խոշորագույն առևտրային գործընկերներին։ Երկրի խոշորագույն առևտրային գործընկերներն են Թուրքիան՝ 2 547,0 միլիոն ԱՄՆ դոլար ցուցանիշով, Չինաստանը՝ 2 329,2 միլիոն ԱՄՆ դոլար, և Ռուսաստանը՝ 2 211,1 միլիոն ԱՄՆ դոլար։ Հեղինակ՝ Լևան Ձնելաձե