ԵՐԵՎԱՆ, 26 հոկտեմբերի – Sputnik. Գլոբալ բնապահպանական հիմնադրամի բյուջեն կավելանա և կհասնի մինչև 4,4 մլրդ դոլար։ Այդ միջոցները հասանելի կլինեն նաև Հայաստանին։ Այս մասին հայտարարել է հիմնադրամի գործադիր տնօրեն Դիեգո Մեսա Պույոն ՄԱԿ-ի կենսաբազմազանության հարցերով COP17 համաժողովի մամուլի ասուլիսի ժամանակ։COP17-ի ընթացքում հայտարարվել է հիմնադրամը 500 մլն դոլարի չափով լրացուցիչ ֆինանսավորելու մասին, ինչի շնորհիվ կառույցի բյուջեն կհասնի մինչև $4,4 մլրդ: Եվս 60 մլն դոլար կուղղվի Կենսաբազմազանության գլոբալ շրջանակային հիմնադրամին:Պույոյի խոսքով, այս անգամ ֆինանսավորման հայտերի ընդունումը չի սահմանափակվի ավարտի ֆիքսված ամսաթվով: Նա հույս է հայտնել, որ նման ճկուն մոտեցումը թույլ կտա ավելի շատ միջոցներ ներգրավել։CARES (Coalition of Action to Recover Endangered Species - անհետացող տեսակների վերականգնման գործողությունների կոալիցիա) նախաձեռնությունը նպատակ ունի վերականգնել վայրի բնության վտանգված տեսակների պոպուլյացիաները ամբողջ աշխարհում:Նախարարի խոսքով, բացի Հայաստանից և Կոլումբիայից, նախաձեռնությանը արդեն միացել են 15 երկրներ: Ակնկալվում է, որ մասնակիցների թիվը կհասնի 30-ի: Առաջիկայում երկրները ձեռնամուխ կլինեն նախաձեռնության շրջանակներում կոնկրետ ծրագրերի մշակմանը։