armenpress.am Հորդանանի անվտանգության ուժերը ձերբակալել են Էլ-Քարաք նահանգի ուղղափառ եկեղեցում ահաբեկչություն իրականացրած անձանց։ Այդ մասին հայտնել է թագավորության ներքին գործերի նախարարությունը։ «Երկուշաբթի լուսադեմին իրականացված գործողության ընթացքում հայտնաբերվել են երեք ահաբեկիչ, որոնք հոկտեմբերի 23-ին հարձակում էին գործել Համուդ շրջանում գտնվող Սուրբ Գևորգ եկեղեցում քաղաքացիների վրա», – ասվում է գերատեսչության՝ X սոցիալական ցանցում հրապարակված հայտարարության մեջ։ Հաղորդագրության համաձայն՝ երեք զինյալները պատսպարվել էին Էլ-Քարաք քաղաքի ծայրամասում գտնվող լքված տներից մեկում և հրաժարվել էին հանձնվել՝ կրակ բացելով ուժայինների ուղղությամբ։ «Փոխհրաձգության ընթացքում երեք հանցագործներն էլ վիրավորվել և ձերբակալվել են», – նշել է ներքին գործերի նախարարությունը։ The post Հորդանանում ձերբակալել են եկեղեցու վրա հարձակում իրականացրած երեք ահաբեկչի | armenpress.am appeared first on Infocom .