Պետական հատվածում միջին ամսական աշխատավարձը 400 լարիով ցածր է, քան մասնավոր հատվածում։ Այս մասին են վկայում Ազգային վիճակագրական ծառայության հրապարակած՝ 2025 թվականի տվյալները։ Մասնավորապես, «Սաքստատի» տվյալներով՝ նախորդ տարի պետական հատվածի աշխատակիցների միջին անվանական ամսական աշխատավարձը կազմել է 1 895,4 լարի, իսկ ոչ պետական հատվածում՝ 2 301 լարի։ Ինչ վերաբերում է գործունեության տեսակներին, ապա պետական հատվածում ամենաբարձր միջին ամսական աշխատավարձը գրանցվել է հետևյալ ոլորտներում. Անշարժ գույքի հետ կապված գործունեություն՝ 3 727,2 լարի: Մեծածախ և մանրածախ առևտուր, ավտոմեքենաների և մոտոցիկլետների վերանորոգում՝ 3 315,3 լարի: Շինարարություն՝ 3 138,3 լարի։ Պետական հատվածի աշխատակիցներն ամենացածր միջին աշխատավարձն ստացել են հետևյալ ոլորտներում. Արվեստ, զվարճանք և հանգիստ՝ 1 163,9 լարի: Կրթություն՝ 1 337,5 լարի: Ջրամատակարարում, կոյուղի, թափոնների կառավարում և աղտոտվածության մաքրման աշխատանքներ՝ 1 354 լարի։ Ինչ վերաբերում է ոչ պետական հատվածում գործունեության տեսակների կտրվածքով աշխատավարձերին, ապա 2025 թվականին ամենաբարձր միջին աշխատավարձը գրանցվել է հետևյալ ոլորտներում. Տեղեկատվություն և կապ՝ 4 106,7 լարի: Ֆինանսական և ապահովագրական գործունեություն՝ 4 056,6 լարի: Մասնագիտական, գիտական և տեխնիկական գործունեություն՝ 3 315 լարի։ Ոչ պետական հատվածում ամենացածր միջին աշխատավարձերը գրանցվել են հետևյալ ոլորտներում. Գյուղատնտեսություն, անտառային տնտեսություն և ձկնորսություն՝ 1 231,3 լարի: Կրթություն՝ 1 631,7 լարի:v Կացության և հանրային սննդի ծառայություններ՝ 1 642,5 լարի։