2009 թվականին Մերի Ստեփանյանն ամուսնու՝ Գեղամ Մանուկյանի հետ Գավառից տեղափոխվել էր Արցախ՝ Ջրական։ Մերին աշխատում էր զորամասի հոսպիտալում՝ որպես բուժքույր, Գեղամը ռեանիմոբիլի վարորդ էր։ 2020 թվականի սեպտեմբերի 27-ին Ադրբեջանը հարձակվեց #Արցախ ի վրա: 44-օրյա #պատերազմ ի երրորդ օրը Ջրականի հոսպիտալը տեղափոխվեց #Հադրութ ի շրջանի Տող գյուղ։ Դպրոցի շենքում ծավալված հոսպիտալի անձնակազմը օրական տասնյակ վիրավորներ էր ընդունում. նրանց տալիս էին առաջին օգնություն, կատարում՝ վիրահատություններ։ Հոսպիտալի մարդիկ փրկում էին կյանքեր։ Այդ մարդկանցից էին բուժքույր Մերի Ստեփանյանը և ռեանիմոբիլի վարորդ Գեղամ Մանուկյանը։ Հոկտեմբերի 7-ին «Հետքը» Տողում նկարահանել է հոսպիտալի մեկ օրը։ Հադրութ քաղաքի անկումից հետո՝ հոկտեմբերի 11-ին, հոսպիտալը տեղափոխվեց Կարմիր շուկա, ապա՝ Խաչմաչ, Կաղարծի, Շոշ։ Ջրականի հոսպիտալը բժշկական ծառայությունն ավարտեց Ստեփանակերտում։ 📌Լսեք մեզ 📌 Միացե՛ք մեզ | Subscribe to our channel! -- info@hetq.am -- © Նյութի հեղինակային իրավունքները պատկանում են «Հետաքննող լրագրողներ» ՀԿ-ին: «Հետքի» խմբագրական քաղաքականության համաձայն` արգելվում է օգտագործել «Հետքի» նյութերը առանց պատշաճ հղման, ներբեռնել և այլ օնլայն հարթակից վերբեռնել «Հետքի» պատրաստած և տարբերանշանը կրող տեսանյութերը` առանց համապատասխան համաձայնության: