Հայոց ցեղասպանության թանգարան-ինստիտուտի նախկին տնօրեն Հայկ Դեմոյանը հայտնում է. Հրաշալի նորություն ունենք Լոս Անջելեսից։ Երկար տարիների քրտնաջան աշխատանքի արդյունքում, վերջապես հետազոտողներին հասանելի է դառնում մեծանուն ցեղասպանագետ, պրոֆեսոր Վահագն Դադրյանի կազմած արխիվային բացառիկ նյութերը: Արխիվը ներառում է ավելի քան 100.000 էջ ծավալով ահռելի նյութ` Հայոց ցեղասպանության բոլոր դրվագների վերաբերյալ: Դադրյանի թողած գիտական ժառանգությունն այն հիմնաքարն է, որի վրա ամուր կանգնած պետք է պայքարենք հանուն արդարության ու հատկապես իրենց հայ կոչող, բայց Հայոց ցեղասպանությունը ժխտելու ու եղծելու փորձեր կատարող, բյուրավոր նահատակների հիշատակը անարգող թափթփուկների դեմ: Բրավո բոլոր նրանց, ովքեր իրենց մասնակցությունը բերեցին այս կարևոր առաքելությունն իր հանգրվանին հասցնելու գործում: Առանձնահատուկ ցանկանում եմ իմ հիացմունքն ու երախտագիտությունը հայտնել երկար տարիներ Արարատ-Էսքիճեան թանգարանի պատասխանատուի պարտականությունը ստանձնած Մագի-Մանգասարյան Գոշինին: The post Մեծանուն ցեղասպանագետ, պրոֆեսոր Վահագն Դադրյանի կազմած արխիվային 100 հազար էջ բացառիկ նյութերն արդեն հասանելի են appeared first on Ազգ .