Երգիչ Մհեր Արմենիան և «Հայէկոնոմբանկ»-ը պայմանավորվածություններ են ձեռք բերել երգչի առգրավված բնակարանի վերաբերյալ։ «Բանկի ներկայացուցիչներն ինձ զանգահարել են և առաջարկել ստեղծված իրավիճակի կարգավորման տարբերակ՝ հարցը լուծելու համար տրամադրելով մեկ ամիս ժամանակ։ Բանկի կողմից ներկայացված առաջարկն ինձ լիովին բավարարում է։ Իմ հերթին պարտավորվում եմ տրամադրված մեկամսյա ժամկետի ընթացքում կարգավորել տվյալ հարցը»,- Ֆեյսբուքում այս մասին գրել է Մհեր Արմենիան։ Հիշեցնենք՝ երգիչը ահազանգել էր Factor TV -ին և տեղեկացրել, որ վարկային պարտավորությունները չկատարելու հետևանքով բանկն առգրավել է իր բնակարանը, իսկ ոստիկանությունը իրեն վտարել է այնտեղից։ Մհեր Արմենիային վտարում են տնից. երգիչը մանրամասներ է հայտնում. ՏԵՍԱՆՅՈՒԹ Բանկն էլ միաժամանակ հայտարարել էր, որ Մհեր Արմենիան տարիներ շարունակ չի կատարել բանկի առջև ստանձնած պարտավորությունները, բնակարանը անցել է բանկին։ «Հայէկոնոմբանկ»-ն արձագանքում է Մհեր Արմենիայի մեղադրանքներին․«բազմիցս հնարավորություն է տրվել կատարել ստանձնած պարտավորությունները և կարգավորել խնդիրը» Նարեկ Կիրակոսյան