ԵՐԵՎԱՆ, 6 նոյեմբերի – Sputnik. Երևանի «Սուրմալու» և «Փեթակ» առևտրի կենտրոններում հայտնաբերվել են կեղծված պիտանելիության ժամկետով և առանց հայերեն մակնշման «Կինդեր» քաղցրավենիքի խմբաքանակներ։ Այս մասին հայտնում է ՀՀ սննդամթերքի անվտանգության տեսչական մարմինը` հավելելով, որ դրանց իրացումն արգելվել է։Տեսչական մարմինը նշել է, որ ստուգումներ է իրականացրել ահազանգի հիման վրա։ՍԱՏՄ-ն տնտեսվարողներին հորդորել է ապրանքներ ընդունելիս ստուգել դրանց ժամկետներն ու ուղեկցող փաստաթղթերը, ինչպես նաև պահանջել հայերեն մակնշում։