ԵՐԵՎԱՆ, 5 նոյեմբերի – Sputnik. Տղամարդը սպանդ է իրականացրել Թուրքիայի Աֆյոնքարահիսար քաղաքում։ Նախնական տվյալներով՝ ութ մարդ է սպանվել, հայտնում են տեղական լրատվամիջոցները։Նշվում է, որ կարմիր ավտոմեքենայով տեղաշարժվող և օդաճնշիչ հրացանով զինված տղամարդը կրակ է բացել մարդկանց և ճանապարհով անցնող մեքենաների ուղղությամբ՝ Այազինի, Քըյըր և Յուքարըթանդըր գյուղերի շրջանում։Այազինիում իրավապահները հայտնաբերել են հրազենային վնասվածքներով երեք դի, ևս երեքը՝ Քըյըրում։Յուքարըթանդըր գյուղում հայտնաբերվել են երեք վիրավոր կանայք։ Նրանցից երկուսը հետագայում մահացել են հիվանդանոցում, իսկ երրորդի վիճակը ծայրահեղ ծանր է։ Այս պահին զոհերի թիվը հասել է ութի։Ոստիկանությունը նաև պարզում է՝ արդյոք հարձակումների այս շարքի հետ կապ ունի ևս մեկ դեպք․ բուն Աֆյոնքարահիսարում ավտոմեքենայում հայտնաբերել են գլխի շրջանում հրազենային վնասվածք ստացած կնոջ։ Նրան տեղափոխել են հիվանդանոց։Տղամարդը փախել է դեպի հարևան Քյոթահիա նահանգ։ Իրավապահները պարզել են նրա ինքնությունը։ Քիչ անց կասկածյալը ձերբակալվել է Էսքիշեհիրում։Իրականացվում է հետաքննություն, պարզվում են միջադեպի հանգամանքներն ու հարձակվողի դրդապատճառները։