Վրաստանի վարչապետ Իրակլի Կոբախիձեն կմասնակցի Բրյուսելում կայանալիք Եվրոպական միության ընդլայնման գագաթնաժողովին, որը կազմակերպում է «Եվրոնյուզը»։ Այս մասին հայտնում է Վրաստանի կառավարության աշխատակազմը։ Աշխատակազմի տեղեկություններով՝ գագաթնաժողովին, որը կմիավորի քաղաքական առաջնորդների, փորձագետների և բիզնեսի ներկայացուցիչների, կքննարկեն, թե ինչ կարող է նշանակել Եվրոպական միության ընդլայնման հաջորդ փուլը թե՛ հենց ԵՄ-ի, թե՛ անդամակցության հավակնություն ունեցող երկրների համար։ «Քննարկումները կվերաբերեն թեկնածու երկրներում արձանագրված առաջընթացին, իրականացված բարեփոխումներին, պարտավորություններին և ինստիտուցիոնալ փոփոխություններին, ինչպես նաև ընդլայնման տնտեսական հնարավորություններին և դրա հնարավոր հետևանքներին։ Գագաթնաժողովում կքննարկվի նաև, թե ինչպես կարող է ընդլայնումն ազդել Եվրոպայի անվտանգության, ժողովրդավարության, տնտեսական մրցունակության և ռազմավարական ինքնավարության վրա։ Գագաթնաժողովի բանախոսների թվում են Եվրոպական խորհրդի նախագահ Անտոնիու Կոշտան, Հյուսիսային Մակեդոնիայի նախագահ Գորդանա Սիլյանովսկա-Դավկովան, Ալբանիայի վարչապետ Էդի Ռաման, Հայաստանի վարչապետ Նիկոլ Փաշինյանը, Խորվաթիայի վարչապետ Անդրեյ Պլենկովիչը, Մոլդովայի վարչապետ Վասիլե Տոֆանը և Չեռնոգորիայի վարչապետ Միլոյկո Սպայիչը», — ասված է հաղորդագրության մեջ։