Ախալքալաքի «Աբուլ» ֆուտբոլային թիմը 27-րդ խաղափուլի հանդիպմանը հաղթանակ է տարել Ծղալտուբոյի «Մեշախթետե» թիմի նկատմամբ։ Հանդիպումը կայացել է նոյեմբերի 3-ին՝ Դիլիսկա գյուղում, և ավարտվել է 3։1 հաշվով՝ հօգուտ ախալքալաքցիների։ Խաղի ընթացքում «Աբուլի» կազմում աչքի են ընկել Ռաֆայել Դարբինյանը, Լուկա Բերիանիձեն և Վլադիմիր Ներսիսյանը։ Ախալքալաքի «Աբուլը» հանդես է գալիս մարզային լիգայի Բ խմբում։ 26 խաղից հետո թիմը վաստակել էր 47 միավոր և զբաղեցնում էր մրցաշարային աղյուսակի վեցերորդ հորիզոնականը։