Ադրբեջանի մի շարք բնակավայրերում մզկիթներն օգտագործվում են որպես անասնագոմեր, պահեստներ կամ աղբանոցներ։ Այս մասին ահազանգում են ադրբեջանական իրավապաշտպան կազմակերպությունները։ Այսպես՝ Խուդաթ քաղաքի Ջումա մզկիթը, ըստ ներկայացվող տեղեկությունների, վերածվել է աղբանոցի և թմրամոլների ապաստարանի, որտեղ հայտնաբերվել են գարեջրի շշեր ու ներարկիչներ։ Ավերակների է վերածվել նաև Աղստաֆայի շրջանի՝ 19-րդ դարի սկզբին կառուցված մզկիթը։ Անմխիթար վիճակում է գտնվում Գախի շրջանի Չինարլը գյուղի 17-րդ դարի մզկիթը, իսկ Նովխան գյուղի Շահ Սուլթան Հուսեյնի մզկիթն օգտագործվում է որպես աղբավայր, որտեղ նետվում են անգամ սատկած կենդանիների լեշերը։ Այս և բազմաթիվ այլ դեպքեր վկայում են, որ Ադրբեջանի տարածքում վտանգված են պատմամշակութային բոլոր հուշարձանները՝ անկախ նրանից՝ դրանք քրիստոնեակա՞ն են, թե՞ մուսուլմանական: «Գեղարդ» վերլուծական —00—ՍՊ The post Ադրբեջանում մզկիթներն աղբանոցների են վերածվում appeared first on 24News .