Բելգիայի պետական պարտքը գերազանցում է 735 միլիարդ եվրոն, որը կազմում է երկրի ՀՆԱ-ի ավելի քան 110%-ը, մինչդեռ ԵՄ-ի համար ընդունելի սահմանը համարվում է միայն 60%-ը․ գրում է Euronews -ը։ Բելգիայի վարչապետ Բարտ դե Վևերը մտադիր է իր կառավարության հրաժարականն առաջարկել թագավոր Ֆիլիպին բյուջեի շուրջ բանակցությունների ձախողումից հետո։ Դե Վևերը նախատեսում է հանդիպում ունենալ թագավորի հետ երկուշաբթի։ Կառավարությունը պետք է կրճատի ծախսերը 10 միլիարդ եվրոյով՝ ԵՄ բյուջեի սահմանաչափերին համապատասխանելու համար։ Անցյալ տարվա բյուջեի դեֆիցիտը կազմել է 5%, մինչդեռ եվրոպական կանոնակարգերը թույլ են տալիս առավելագույնը 3%։ Բանակցությունների ձախողման պատճառով պետական պարտատոմսերի տոկոսադրույքները բարձրացել են, ինչը ստիպել է Բելգիային ավելի շատ վճարել իր պարտքային պարտավորությունների համար։ Եթե թագավորն ընդունի հրաժարականը, կհայտարարվեն նոր ընտրություններ։ Թագավորը կարող է նաև չընդունել հրաժարականը։