Ռոբերտ Քոչարյանն իր անցած ուղով, անցնող 8 տարիներին, հակառակ բոլոր քաղաքական հետապնդումներին, որևէ վայրկյան չընկրկելով, ինչպես նաև «Հայաստան» խմբակցության՝ անցնող 5 տարիների գործունեությամբ մենք փաստել ենք, որ համազգային հարցերի, պետականության հետ կապված հարցերի շուրջ սակարկություն չի կարող լինել։ Այս մասին խորհրդարանական ճեպազրույցների ժամանակ հայտարարել է «Հայաստան» խմբակցության պատգամավոր Գեղամ Մանուկյանը։ Անդրադառնալով վարչապետ Նիկոլ Փաշինյանի այսօրվա հայտարարությանը, թե նոր Սահմանադրության ընդունման գործընթացին ընդդիմության դեմ արտահայտվելու դեպքում վերջինիս նկատմամբ հանրային ճնշում կարող է գեներացվել, Մանուկյանն այն որակել է որպես «պետական հեղաշրջման մասին հայտարարություն»։ «ՀՀ օրենսդրությամբ Ազգային ժողովի պատգամավորների նկատմամբ ճնշման միջոցով քվեարկությունը չի կարող լեգիտիմ լինել։ Համազգային և պետականությանն առնչվող հարցերում ընդդիմությունը չի պատրաստվում զիջումների գնալ կամ ենթարկվել իշխանության ճնշումներին»,- ասել է նա։ The post Համազգային հարցերի շուրջ սակարկություն չի կարող լինել․ Գեղամ Մանուկյան appeared first on Alphanews .