Բեռլինում ցույցի մասնակիցները պահանջում են կրթության և սոցիալական ոլորտի ֆինանսավորումն ավելացնել զենքի գնումների հաշվին, ինչպես նաև պահանջում են Գերմանիայի կանցլեր Ֆրիդրիխ Մերցի հրաժարականը։ ԶԼՄ-ների փախանցմամբ՝ ցուցարարները պաստառներով կոչ են անում՝ «Մերցը պետք է հեռանա», «Պատերազմի փոխարեն՝ միջոցներ սոցիալական ոլորտին», «Դեմ ենք կրճատումներին, ռասիզմին և սպառազինությունների ավելացմանը», «Միլիարդներ՝ կրթությանը, ոչ թե ռումբերին»։ «Մեր սերնդին ստիպում են պատերազմի մեջ մտնել»,- հանրահավաքի ընթացքում հայտարարել է ելույթ ունեցողներից մեկը։ Ցուցարարներից ոմանք եկել են խաղաղության աղավնու պատկերով դրոշներով, ինչպես նաև պաղեստինամետ պաստառներով։ Այս պահին Բեռլինում, երիտասարդական «Gen Z regelt» («Սերունդ Z-ն է որոշում») նախաձեռնության կոչով կազմակերպված ցույցին մասնակցում է մի քանի հազար մարդ։ Նախատեսված է եղել ավելի քան 10 հազար մասնակցություն։ Գերմանիայի ավելի քան 30 քաղաքներում, այդ թվում՝ Համբուրգում, Քյոլնում, Մյունխենում, Ֆրանկֆուրտում և Շտուտգարտում, երիտասարդների լայնածավալ ցույցերն ու բողոքի ակցիաները մեկնարկել են շաբաթ օրը՝ ավելի վաղ։ Գերմանիայի մայրաքաղաքում ցույցն անցկացվում է քաղաքի խորհրդանիշներից մեկի՝ Բրանդենբուրգյան դարպասների մոտ։ Անվտանգությունն ապահովում է շուրջ 1500 ոստիկան։ https://cdn-storage-media.tass.ru/tass_media/2026/10/31/V/1793455835771744_VOi8KL7s.mp4