ՄԱԿ-ի Մարդասիրական հարցերի համակարգման վարչությունը չի մասնակցում Խերսոնի մարզի Ալյոշկի քաղաքում մարդասիրական առաքելության իրականացմանը, սակայն ուշադիր հետևում է դրա ընթացքին։ Այս մասին հայտարարել է վարչության պաշտոնական ներկայացուցիչ Յենս Լյարկեն։ «Մենք պաշտոնապես աջակցություն ցուցաբերելու որևէ խնդրանք չենք ստացել։ Ուշադիր հետևում ենք այդ գործողությանը»,- Ժնևում կայացած ճեպազրույցում ասել է նա։ Ավելի վաղ Ռուսաստանն ու Ուկրաինան՝ ԱՄՆ առաջին տիկին Մելանյա Թրամփի աջակցությամբ, համաձայնել էին հրադադար հաստատել Խերսոնի մարզի Ալյոշկի քաղաքում՝ մարդասիրական օգնության մատակարարումն ապահովելու և հատուկ անվտանգ միջանցքով խաղաղ բնակիչների տարհանումը նախապատրաստելու նպատակով։