Ռուսաստանն ու ԱՄՆ-ն սկսել են համաձայնեցնել Աբու Դաբիում կայանալիք եռակողմ հանդիպման ամսաթվերը։ Այն նախատեսվում է անցկացնել նոյեմբերին։ Այս մասին «Վեստի»-ի լրագրող Պավել Զարուբինին հայտնել է ՌԴ նախագահի օգնական Յուրի Ուշակովը։ Ուշակովը նաև հայտարարել է՝ Ուկրաինայի հարվածները ռուսական նավթավերամշակման գործարաններին ԱՄՆ-ի կոչերին չենթարկվելու դրսևորում են: Լրագրողը հարցրել է՝ ինչպես է Ուշակովը գնահատում այն հանգամանքը, որ Ուկրաինան անտեսում է ԱՄՆ նախագահ Դոնալդ Թրամփի՝ ռուսական նավթավերամշակման գործարաններին չհարվածելու կոչերը։ «Այս մասին արդեն խոսել ենք, իհարկե։ Դա անհնազանդություն է», – նշել է Ուշակովը։ —00—ՍՊ The post Ռուսաստանն ու ԱՄՆ-ն համաձայնեցնում են Աբու Դաբիում եռակողմ հանդիպման օրը appeared first on 24News .