Ըմբշամարտի աշխարհի առաջնության եզրափակիչում ազատ ոճի ըմբիշ Վազգեն Թևանյանը դարձավ աշխարհի փոխչեմպիոն՝ 1։9 հաշվով պարտվելով ԱՄՆ–ի ներկայացուցիչ Բովեն Ուիլիամ Բասեթին։Հիշեցնենք, որ ըմբշամարտի աշխարհի առաջնությունն անցկացվում է հոկտեմբերի 24-ից նոյեմբերի 1-ը Ղազախստանի Աստանա քաղաքի «Բարիս Արենա» մարզադաշտում։ Հայաստանը ներկայացնում են 16 ըմբիշներ, որոնցից 10–ը հունահռոմեական ոճում, իսկ 6–ը` ազատ ոճում։Հունահռոմեական ոճի ըմբիշներն արդեն ավարտել են իրենց մրցապայքարները։ 63 կգ քաշային Կարեն Ասլանյանը դարձել է ըմբշամարտի աշխարհի չեմպիոն` հաղթելով ադրբեջանցի Նիհատ Մամադլիին։Հունահռոմեական ըմբիշ Գևորգ Թադևոսյանն էլ (87 կգ) բրոնզե մեդալ է նվաճել՝ 4։1 հաշվով հաղթելով ուկրաինացի ըմբիշ Յարոսլավ Ֆիլչակովին։