Ֆրանսիայի էկոլոգիական անցման, կենսաբազմազանության և կլիմայի ու բնության միջազգային բանակցությունների նախարար Մոնիք Բարբյուի գլխավորած պատվիրակությունը հոկտեմբերի 29-ին այցելել է Հայոց ցեղասպանության հուշահամալիր՝ ՀՀ-ում Ֆրանսիայի դեսպան Ֆլորիան Էսկյուդիեի ուղեկցությամբ: Պատվիրակությանը դիմավորել է ՀՑԹԻ տնօրենի ժամանակավոր պաշտոնակատար Հրաչյա Թաշչյանը։ Տիկին Մոնիք Բարբյուն ծաղկեպսակ է դրել Հայոց ցեղասպանության զոհերի հիշատակը հավերժացնող հուշակոթողին, այնուհետև պատվիրակության անդամները ծաղիկներ են խոնարհել անմար կրակի մոտ՝ հարգանքի տուրք մատուցելով Հայոց ցեղասպանության զոհերի հիշատակին։ The post Ֆրանսիացի նախարարն այցելել է Հայոց ցեղասպանության հուշահամալիր appeared first on Ազգ .