ԵՐԵՎԱՆ, 30 հոկտեմբերի – Sputnik. Արագածոտնի մարզի Ջրամբար գյուղում գայլերի ոհմակը ժամը 7–ի սահմաններում հարձակվել է անասնագոմի վրա՝ հոշոտելով ավելի քան 35 գառ։ Այս մասին գրում է shamshyan.com-ը` հավելով, որ մոտ 30 գառ վիրավոր է։ Կայքը գրել է, որ Ջրամբար բնակավայրի բնակիչը հոշոտված կենդանիներին հայտնաբերել է, երբ մոտեցել է կերակրելու։ Բնակչի խոսքով` սատկած գառների մեծ մասը մայրացուներ են։Բնակավայրում նախկինում վայրի կենդանիների հարձակումներ եղել են, սակայն գայլերի նման հարձակում առաջին անգամ է արձանագրվում։Գյուղացու խոսքով՝ ընտանիքում 4 անչափահաս երեխա կա, իսկ անասնապահությունը նրանց ապրուստի հիմնական միջոցն է։