azatutyun.am Ռուսաստանն աջակցում է եվրոպական երկրների հետ ավելի լավ հարաբերություններ ունենալուն ուղղված ցանկացած քայլ, երեկ հայտարարել է նախագահ Վլադիմիր Պուտինը՝ մեկնաբանելով Նորվեգիայի և Ֆինլանդիայի ղեկավարների հետ օրեր առաջ ունեցած հեռախոսազրույցը ։ «Ինչպես միշտ եմ ասել, մենք աջակցում ենք եվրոպական երկրների հետ լիարժեք և պատշաճ հարաբերությունների վերականգնմանն ուղղված ցանկացած քայլի՝ կամ նրանց բոլորի հետ որպես ԵՄ, կամ երկկողմ հիմունքներով։ Խնդրեմ, ինչպես նրանք ուզում են»,- երեկ հայտարարել է նա։ Պուտինն ասել է, որ Ռուսաստանը չի ցանկանում պատերազմել Եվրոպայի հետ, սակայն պատրաստ է, եթե նման անհրաժեշտություն լինի: Կրեմլի ղեկավարը նաև զգուշացրել է, որ եթե լարվածությունը չափազանց սրվի, հաղթողներ չեն լինի։ «Շատերը [Եվրոպայում- խմբ] խոսում են մինչև 2030 թվականը պատերազմի նախապատրաստվելու մասին: Արդյոք դա ճի՞շտ է, թե՞ սխալ: Նախևառաջ, մենք պատրաստ ենք: Բայց մենք չենք ուզում պատերազմ Եվրոպայի հետ: Եթե նրանցից որևէ մեկը ցանկանում է դա, թող պատրաստվի»,- ասել է նա: Կրեմլի ղեկավարը նշել է, որ Եվրոպան դեռ չի հասել «Ռուսաստանին ռազմավարական պարտություն հասցնելու իրենց նպատակին, և քիչ հավանական է, որ դա ևս հնարավոր լինի մինչև 2030 թվականը»: «Եվ եթե ամեն ինչ չափազանց հեռուն գնա, ընդհանրապես հաղթողներ չեն լինի: Թող ոչ ոք չմոռանա դրա մասին»,- զգուշացրել է նա: Շարունակությունը՝ սկզբնաղբյուր կայքում The post Մոսկվան ձգտում է ավելի լավ հարաբերությունների Եվրոպայի հետ, բայց պատրաստ է նաև պատերազմի. Պուտին | azatutyun.am appeared first on Infocom .