ԵՐԵՎԱՆ, 29 հոկտեմբերի – Sputnik. Բելգորոդի մարզի Կրասնայա Յարուգա ավանում ուկրաինական ԱԹՍ–ների հարվածի հետևանքով կին է մահացել, իսկ Շեբեկինոյում տղամարդ է վիրավորվել։ Այս մասին հայտնել են մարզային օպերատիվ շտաբից:«Կրասնայա Յարուգա ավանում դրոնի պայթյունի հետևանքով ծանր վնասվածքներ ստացած կինը տեղում մահացել է։ Ցավակցում ենք հարազատներին և մերձավորներին», - ասվում է հաղորդագրության մեջ։Ըստ օպերատիվ շտաբի` Շեբեկինո քաղաքում FPV-դրոնը հարված է հասցրել «Գազելի», ինչի հետևանքով մի տղամարդ ձեռքի բեկորային վնասվածք է ստացել։ Բժիշկները նրան տեղափոխել են տեղի հիվանդանոց։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։