Հստակ, ընտրակաշառք պետք է չբաժանվի։ Ընտրակաշառք բաժանողների ձեռներն ու ոտերը ջարդելու ենք, բառիս քաղաքական իմաստով», այսօրվա ճեպազրույցի ժամանակ հայտարարեց Նիկոլ Փաշինյանը։ Նա հիշեցրեց, որ ժամանակին Հայաստանում եղել է խոսույթ, որը վերակենդանացել է 2026 թվականի խորհրդարանական ընտրությունների ժամանակ։ «Խոսում են ինչ-որ մարդկանց մասին, ասում են՝ այս մարդը 50 ձայն ունի, 100, 200-300 ձայն ունի։ Հայաստանի հանրապետությունում ամեն մեկն ունի մեկ ձայն։ Ով որ ունի մեկից ավել ձայն, նա իմ դասակարգային թշնամին է։ Այդ մարդկանց ոչնչացնելն իմ քաղաքական հանձնառությունն է։ Ով կասի, լեզուն կպտտի, կասի՝ ես 25 ձայն ունեմ, ես էդ մարդու հետևից գնալու եմ։ 2018 թվականին եղել է թավշյա ոչ բռնի հեղափոխություն, ապա այս կատեգորիայի նկատմամբ լինելու է հոկտեմբերյան սոցիալիստական մեծ հհեղափոխություն, դրանց ջարդուփշուր ենք անելու, բառիս քաղաքական իմաստով։ Դրանք պետք է արմատախիլ արվեն»,- ասաց նա։ Փաշինյանի խոսքով՝ եթե հանկարծ պարզվի, որ այդպիսի մտայնություն ունեցող մարդիկ կան նաև ՔՊ-ում՝ նրանք 10 անգամ ավելի իր դասակարգային թշնամիներն են լինելու։ The post Ով լեզուն կպտտի, կասի՝ ես 25 ձայն ունեմ, ես էդ մարդու հետևից գնալու եմ. Փաշինյան appeared first on Ազգ .