Ջեյ Դի Վենսը Իրանի Անվտանգության խորհրդի ղեկավարին գաղտնի առաջարկ է արել. ԶԼՄ

ԵՐԵՎԱՆ, 29 հոկտեմբերի – Sputnik. ԱՄՆ փոխնախագահ Ջեյ Դի Վենսը նախագահ Դոնալդ Թրամփի հանձնարարությամբ գաղտնի նամակ է ուղարկել Իրանի ազգային անվտանգության գերագույն խորհրդի քարտուղար Մոհսեն Ռեզայիին՝ փորձելով վերսկսել խաղաղության բանակցությունները և կանխել ռազմական նոր գործողությունը միջանկյալ ընտրություններից հետո։ Այս մասին գրում է Wall Street Journal-ը՝ հղում անելով աղբյուրներին։Ավելի վաղ ԱՄՆ նախագահ Դոնալդ Թրամփը չէր բացառել միջանկյալ ընտրություններից հետո Իրանի դեմ նոր հարվածները` հայտարարելով, որ ընթացիկ իրավիճակում «ամեն ինչ հնարավոր է»։Թերթը հայտնել է, որ ուղերձն ինքնին և հետագա շփումները խաղաղության վերաբերյալ կոնկրետ առաջարկներ չեն պարունակել, այլ կենտրոնացած են եղել խորհրդակցությունների վերսկսման համար շրջանակային պայմաններ գտնելու վրա։Թերթի աղբյուրների տեղեկություններով՝ հենց Ռեզայիին (ԻՀՊԿ նախկին գլխավոր հրամանատարն է և իրանցի «բազեների» շարքում առանցքային կերպար) դիմելը բացատրվում է Վաշինգտոնի այն հաշվարկով, որ ազդեցիկ ուժայինների հետ անմիջական երկխոսությունն ավելի արդյունավետ կլինի։Կատարն Իրանին է ներկայացրել ԱՄՆ-ի հետ հակամարտության կարգավորման նոր նախագիծՏարածաշրջանում զինված հակամարտությունը սկսվել է փետրվարի 28-ին, երբ ԱՄՆ-ն և Իսրայելը հարվածներ հասցրեցին իրանական օբյեկտներին: Թեհրանը պատասխանեց սեփական հարձակումներով: Հունիսի կեսերին Իրանն ու ԱՄՆ-ն ռազմական գործողությունների դադարեցման մասին հուշագիր ստորագրեցին, սակայն հետագայում կողմերը կրկին հարվածներ փոխանակեցին:Հակամարտությունը մինչ օրս մնում է չկարգավորված: Շարունակվող լարվածության ֆոնին նավագնացությունը Հորմուզի նեղուցով գործնականում դադարեցվել է: