Մարդու իրավունքների պաշտպանի աջակցությանն է դիմել քաղաքացի՝ տեղեկացնելով, որ 2018 թվականին ավարտել է իր ծառայությունը քննչական մարմնում և իրեն օրենքով նախատեսված կարգով նշանակվել է կենսաթոշակ, սակայն 2025 թվականին նրա կենսաթոշակի վճարումը դադարեցվել է՝ պետական ծառայության պաշտոն զբաղեցնելու հիմնավորմամբ։ Այս մասին տեղեկանում ենք ՄԻՊ գրասենյակից։ Քաղաքացին նշել է, որ խնդրի լուծման նպատակով դիմել է իրավասու մարմնին, սակայն արդյունքի չի հասել։ Նա խնդրել է Մարդու իրավունքների պաշտպանի աջակցությունն իր կենսաթոշակի վերականգնման, ինչպես նաև իրեն չվճարված կենսաթոշակի գումարը ստանալու հարցում։ Բարձրացված հարցը Պաշտպանը հասցեավորել է ՀՀ աշխատանքի և բարեկեցության նախարարություն (ՀՀ աշխատանքի և սոցիալական հարցերի նախարարություն)։ ՄԻՊ հաստատության և նախարարության արդյունավետ համագործակցության արդյունքում քաղաքացու բարձրացրած հարցը ստացել է լուծում․ վերականգնվել է վերջինիս կենսաթոշակի իրավունքը, ինչպես նաև վճարվել է նախորդ ամիսներին չվճարված կենսաթոշակը։ Մարդու իրավունքների պաշտպանը շարունակում է իր լիազորությունների շրջանակում հետևողականորեն աջակցել քաղաքացիների իրավունքների արդյունավետ պաշտպանությանը՝ նպաստելով իրավունքների լիարժեք իրացմանը։ The post ՄԻՊ միջնորդությամբ վերականգնվել է քաղաքացու կենսաթոշակ ստանալու իրավունքը և վճարվել է նախորդ ամիսներին չվճարված կենսաթոշակը appeared first on Infocom .