Իսրայելում Քնեսեթի ընտրություններում գրանցվել է ընտրողների ամենաբարձր մասնակցությունը 1973 թվականից ի վեր։ Թել Ավիվի ընտրատեղամասերում երկար հերթեր են գոյանում։ Երկրով մեկ ստեղծվել է ավելի քան 12,000 ընտրատեղամաս։ Քնեսեթի ընտրություններն անցկացվում են կուսակցական ցուցակներով։ Այս անգամ մասնակցում են 38 քաղաքական կուսակցությունների թեկնածուներ։ Ընտրական շեմը 3.25 տոկոս է։ Քվեարկելու իրավունք ունի մոտ 7.3 միլիոն քաղաքացի։ Իսրայելը ներկայումս կառավարվում է 2022 թվականին ձևավորված կոալիցիայի կողմից։ Այն ներառում է վարչապետ Բենիամին Նեթանյահուի գլխավորած «Լիկուդ» կուսակցությունը, ուլտրա-ուղղափառ քաղաքական դաշինքը՝ «Թորա հուդայականություն», ազգային-կրոնական «Կրոնական սիոնիզմ և հրեական իշխանություն» և ուլտրա-ուղղափառ «Շաս» կուսակցությունները։ Ընտրություններում նրանք բախվելու են գեներալ-լեյտենանտ Գադի Այզենկոտի գլխավորած կենտրոնամետ «Յաշար» կուսակցության, նախկին վարչապետ Նաֆթալի Բեննետի կենտրոնամետ «Բե-Յահադ» դաշինքի և Ավիգդոր Լիբերմանի աջակողմյան «Իսրաել Բեյթեյնու» կուսակցության հետ։ The post Իսրայելում Քնեսեթի ընտրություններին վերջին 54 տարվա ամենաբարձր մասնակցությունն է գրանցվել appeared first on Ազգ .