ԵՐԵՎԱՆ, 27 հոկտեմբերի – Sputnik. Ռուսաստանի զինուժն այս գիշեր զանգվածային հարվածներ է հասցրել ուկրաինական նավերին, տրանսպորտային ենթակառուցվածքների օբյեկտներին և ռազմարդյունաբերական համալիրի ձեռնարկություններին։ Տեղեկությունը հայտնում է Ռուսաստանի պաշտպանության նախարարությունը։Հարվածների հետևանքով խոցվել են թևավոր հրթիռների և մեծ ու միջին հեռահարության անօդաչուների արտադրության և պահեստավորման գործում ներգրավված ռազմարդյունաբերական համալիրի ձեռնարկություններ, տրանսպորտային ենթակառուցվածքների օբյեկտներ Կիևում, լոգիստիկ կենտրոն Խարկովի մարզում և Ուկրաինայի զինված ուժերի շահերը սպասարկող նավեր։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։