Ուժեղ Հայաստան խմբակցության ղեկավար Նարեկ Կարապետյանն անդրադարձել է երեկ կայացած ՏԻՄ ընտրություններին՝ հայտարարելով, որ այն համայնքում, որտեղ մասնակցել է Ուժեղ Հայաստանը , ՔՊ-ն ռեկորդային ցածր տոկոս է հավաքել և չի կարողացել հաղթել։ Նրա խոսքով՝ մյուս համայնքներում, որտեղ Ուժեղ Հայաստանը չի մասնակցել, ՔՊ-ն ճնշումների արդյունքում կարողացել է գերիշխող դիրք ստանալ։ Միակ ուժը, որ կարողանում է պայքարել, էֆեկտիվ պայքարել հողի վրա, միակ ուժը, որ կարողանում է կազմակերպել այդ պայքարը, այս պահին քաղաքական դաշտում ես համարում եմ, որ մնացել է Ուժեղ Հայաստանը ,- ասել է Կարապետյանը։ Անդրադառնալով Նիկոլ Փաշինյանի այսօրվա ելույթին՝ նա նշել է, որ գործակալների մասին խոսելիս վարչապետը պետք է շատ ուշադիր լինի։