Factor TV -ի տեղեկություններով՝ քիչ առաջ Արմավիրի մարզի առաջին ատյանի ընդհանուր իրավասության դատարանի Արմավիրի նստավայրից կալանավոր է փախուստի դիմել։ Մեր աղբյուրի փոխանցմամբ՝ կալանավոր Հ․Ե-ին դատարան էին տեղափոխել քրեական գործով դատական նիստին մասնակցելու նպատակով։ Ոստիկանությունը ուժեղացված ծառայություն է իրականացնում։ Տեղեկությունը Factor TV -ի հետ զրույցում հաստատեցին Ներքին գործերի նախարարությունից։ Գերատեսչության մամուլի քարտուղար Նարեկ Սարգսյանը նշեց, որ ձեռնարկվում են միջոցառումներ կալանավորին հայտնաբերելու ուղղությամբ․ «Հանգամանքները պարզվում են»։ Ռոզա Վարդանյան