ԵՐԵՎԱՆ, 25 հոկտեմբերի – Sputnik. ՀՀ–ում ՏԻՄ ընտրություններում ամենաշատ մասնակցություն ապահովել է ՀՀ Լոռու մարզի Ստեփանավան համայնքը` 68.83%։Տվյալները ներկայացրել է ՀՀ Կենտրոնական ընտրական հանձնաժողովը։Բարձր մասնակցություն արձանագրած համայնքների հնգյակում են նաև Վայոց Ձորի Եղեգնաձոր (62.56%), ՀՀ Կոտայքի մարզի Ծաղկաձոր (61.78%), Սյունիքի մարզի Մեղրի (57.97%), Շիրակի մարզի Արթիկ (57.42%), Սյունիքի մարզի Գորիս (54.54) համայնքներում։Ամենաքիչ մասնակցություն եղել է Լոռու մարզի Ֆիոլետովո համայնքում` 25.39%։ Ցածր մասնակցություն է գրանցվել նաև Կոտայքի մարզի Գառնի (37.19%), Արմավիրի մարզի Արմավիր (36.73%), Տավուշի մարզի Դիլիջան (39.32%), Արարատի մարզի Արտաշատ (40.09%) համայնքներում։Հավելենք, որ ընդդիմադիր «Ուժեղ Հայաստանը» մասնակցում էր միայն Ստեփանավանի ընտրություններին։Ժամը 20։00-ի դրությամբ ենթադրյալ իրավախախտումների վերաբերյալ ՆԳՆ-ն ստացվել է 35 ահազանգ, որոնք ստուգման փուլում են։Հավելենք, որ այսօր ՏԻՄ ընտրություններ էին ՀՀ 21 համայնքում։