«Ռեալի» նախկին հարձակվող և երիտասարդական թիմի նախկին գլխավոր մարզիչ Ռաուլ Գոնսալեսը նշանակվել է իսպանական «Օվիեդոյի» գլխավոր մարզիչ: Այս մասին հայտնում է ակումբի մամուլի ծառայությունը։ 49-ամյա իսպանացու պայմանագիրն ակումբի հետ նախատեսված է մինչև 2028 թվականի ամառը: Սա Ռաուլի առաջին մարզչական փորձն է մեծահասակների ֆուտբոլում։ «Օվիեդոն» հանդես է գալիս Իսպանիայի նշանակությամբ երկրորդ դիվիզիոնում՝ Սեգունդայում, և 13 տուրից հետո վաստակած 21 միավորով զբաղեցնում է մրցաշարային աղյուսակի 9-րդ հորիզոնականը։ Թիմը բարձրագույն դիվիզիոնի ուղեգրի համար մղվող պայքարի փլեյ-օֆֆի գոտուց հետ է մնում ընդամենը մեկ միավորով: Նախորդ մրցաշրջանում թիմը Լա լիգայում զբաղեցրել էր վերջին տեղն ու նահանջել Սեգունդա: Լեգենդար Ռաուլի նորամուտը նոր թիմի ղեկին կկայանա նոյեմբերի 14-ին. «Օվիեդոն» սեփական հարկի տակ կընդունի «Ժիրոնային»: Հիշեցնենք, որ Ռաուլը մարզչական կարիերան սկսել էր «Ռեալի» համակարգում 2018 թվականին և այնտեղ աշխատել մինչև 2025 թվականը: Որպես ֆուտբոլիստ՝ նա մադրիդյան գլխավոր թիմում խաղացել է 1994-ից 2010 թվականներին։ Մասնակցել է 741 հանդիպման դառնալով 323 գոլի հեղինակ: