ԱՄՆ նախագահ Դոնալդ Թրամփը խոստովանել է, որ Իրանի դէմ պատերազմից ընտրողների դժգոհութիւնը, բենզինի գների աճն ու Իսրայէլի նկատմամբ հանրային բացասական վերաբերմունքը Հանրապետական կուսակցութեան պարտութեան պատճառներից են եղել միջանկեալ ընտրութիւններում։ CBS հեռուստաալիքին տւած հարցազրոյցում Թրամփը նշել է, որ այս գործօններն իրենց ազդեցութիւնն են ունեցել ընտրութիւնների արդիւնքների վրայ։ Անդրադառնալով Իրանի դէմ պատերազմին՝ Թրամփը կրկին պահանջել է, որ ԱՄՆ-ի պաշտպանութիւնից օգտւող երկրները վճարեն պատերազմի ծախսերը։ Նրա պնդմամբ՝ այդ երկրներն առանց ամերիկեան աջակցութեան գոյութիւն չէին ունենայ։ Թրամփը նաեւ յայտարարել է, թէ առանց ԱՄՆ-ի ներկայութեան եւ աջակցութեան՝ Իսրայէլը չէր կարող գոյատեւել։