Մոսկվան համակարծիք է էներգետիկայի ոլորտում «Մեծ քսանյակի» ամերիկյան նախագահության մոտեցումներին։ Այս մասին ՏԱՍՍ-ին տված հարցազրույցում հայտարարել է Ռուսաստանի արտաքին գործերի փոխնախարար Ալեքսանդր Պանկինը։ «Ինչ վերաբերում է էներգետիկային, ապա ԱՄՆ նախագահությունն իր գործունեության շրջանակում հատուկ ուշադրություն է դարձնում այդ ոլորտին։ «Մեծ քսանյակում» ամերիկացիների առաջ մղած՝ բոլոր տեսակի վառելիքային ռեսուրսների հաշվին էներգետիկ առատության ապահովման մոտեցումը համարում ենք ողջամիտ։ Հենց այս նույն պրագմատիկ մոտեցման շրջանակում էր վերջերս ձեռք բերվել նաև նախագահներ Պուտինի և Թրամփի միջև արդեն հիշատակված պայմանավորվածությունը՝ ռուսական դիզելային վառելիքի արտահանման սահմանափակումները ժամանակավորապես դադարեցնելու վերաբերյալ», – նշել է Պանկինը։ «Մենք չենք դադարում «Մեծ քսանյակի» մեր գործընկերներին հիշեցնել, որ, պետք է ասել, Ռուսաստանի տեսակետը կիսում են բազմաթիվ երկրների ողջամիտ ղեկավարներ. ներկայիս անկայունությունը սխալ է դիտարկել բացառապես որպես առանձին աշխարհագրական հատվածում լարվածության աճի հետևանք։ Պատճառահետևանքային կապերը շատ ավելի բարդ են և խորքային», – հավելել է փոխնախարարը։