Այսօր մոտ 46 հազար մարդ դուրս է եկել Փարիզի փողոցներ՝ բողոքելու Ֆրանսիայում գների աճի դեմ, հայտնում է BFMTV-ն՝ հղում անելով քաղաքի պրեֆեկտուրայի տվյալներին։ «Այսօր Փարիզում շուրջ 46 հազար մարդ մասնակցել է «Հանուն երիտասարդության և ընդդեմ կենսամակարդակի թանկացման» կարգախոսներով ցույցի։ Ավելի վաղ BFMTV-ն՝ հղում անելով ուժային կառույցների աղբյուրին, հայտնել էր, որ իշխանությունները ակնկալում էին, որ Ֆրանսիայի մայրաքաղաքում բողոքի ակցիաներին կմասնակցի 40-ից 60 հազար մարդ։ Հիշեցնենք՝ Ֆրանսիայում բողոքի ցույցերը սկսվել են սեպտեմբերի կեսերին, երբ Փարիզի դպրոցի աշակերտները դուրս են եկել փողոցներ՝ պահանջելով ավելի լավ դպրոցներ: Ավելի ուշ նրանց միացել են երկրում թանկացումներից դժգոհողները, իսկ ակցիաները տարածվել են այլ մարզերում։ Ամենամեծ համապետական ցույցը տեղի է ունեցել հոկտեմբերի 17-ին, որին, ըստ ՆԳՆ-ի, մասնակցել է մոտ 550 հազար մարդ։ Ֆրանսիայի իրավապահները ցուցարարների դեմ արցունքաբեր գազ և ջրցան մեքենաներ են կիրառել։ –00—ՅՄ The post Փարիզում այսօր տեղի ունեցած բողոքի ակցիային մասնակցել է մոտ 46 000 մարդ appeared first on 24News .