Ռուսաստանի արտաքին գործերի նախարարությունից հայտարարել են, որ Աբու Դաբիում կայանալիք բանակցությունների նախօրեին «Կամավորների կոալիցիայի» զորավարժությունների մեկնարկը ևս մեկ անգամ հաստատում է, որ եվրոպացիներն անելիք չունեն Ուկրաինայի հարցով բանակցությունների սեղանի շուրջ։ Գերատեսչությունից ընդգծել են, որ Ուկրաինայում օտարերկրյա զինված ստորաբաժանումների տեղակայումը կտրականապես անընդունելի է։ Մոսկվայի գնահատմամբ՝ դա փաստացի կնշանակի ռազմական միջամտություն։ ՌԴ ԱԳՆ-ի պնդմամբ՝ Լոնդոնն ու Փարիզը, Ուկրաինայում «բազմազգ ուժեր» տեղակայելու միջոցով, ցանկանում են պահպանել Ռուսաստանի դեմ հակամարտության և նրան ռազմական պարտության մատնելու համար նախատեսված հենակետը։ —00—ՍՊ The post Ուկրաինայի հարցով բանակցությունների սեղանի շուրջ եվրոպացիներն անելիք չունեն․ ՌԴ ԱԳՆ appeared first on 24News .