Մեր բոլոր հարեւանները բավականին դրական են արտահայտվել, այդ թվում Իրանի մեր գործընկերները։ Չեք կարող նշել մեկ երկիր, որը նեգատիվ վերաբերմունք ունի Թրիփի նկատմամբ»։ Սա ասում է Հայաստանի արտաքին գործերի նախարարության գլխավոր քարտուղարը։ Եվ սա ասվում է այն հոդվածից հետո, որ իրանյան մամուլում հրապարակել է Իրանի Գերագույն հոգեւոր առաջնորդի միջազգային հարցերի խորհրդական Ալի Աքբար Վելայաթին, որտեղ նա շատ կոշտ ձեւով հայտարարում է, որ «կկոտրեն ոտքերը», եթե Թրամփն ու իր դաշնակիցները համարձակվեն խախտել Իրանի կարմիր գծերը Թրամփի ուղու հետ կապված, նաեւ տարակոսանք է հայտնում, որ Հայաստանի խորհրդարանը վավերացրել է այդ ծրագիրը։ Եվ ահա, այդ հոդվածի հրապարակումից փաստորեն երկու–երեք օր անց Հայաստանի ԱԳՆ գլխավոր քարտուղարը հայտարարում է, թե չկա մի երկիր, որը նեգատիվ վերաբերմունք ունի Թրամփի ուղու նկատմամբ, այդ թվում տալով նաեւ Իրանի անունը։ Ի՞նչ է դա նշանակում։ Ալի Աքբար Վելայաթին Իրան չէ՞։ Նա «անկա՞խ» է Իրանից։ Թե՞ Իրան չէ այդ երկրի Գերագույն հոգեւոր առաջնորդը, որի ավագ խորհրդական է Վելայաթին։ Թե՞ պարզապես Հայաստանի ԱԳՆ ԳՔ հայտարարությունը վկայում է Հայաստանի քաղաքական իշխանության աշխարհաքաղաքական անհամարժեքության եւ արկածախնդրության մասին, այն ենթարկվածության մասին, որ բնորոշում է Վելայաթին իր հոդվածում։ Փեզեշկիանն ու Արաղչին մի բան են ասում Փաշինյանին ու Միրզոյանին, Վելայաթին ա՞յլ բան։ Եթե այդպես է, ապա Իրանում երկիշխանությո՞ւն է։ Բայց, այդ դեպքում Հայաստանում պետք է առնվազն առաջանա հարց, թե այդ «երկու իշխանություններից» ո՞ր մեկն է ավելի զորեղ եւ կամային։ Թե՞ պաշտոնական Երեւանը պարզապես Վաշինգտոնի գլխի տակ է դնում փափուկ բարձ, հատկապես, որ ԳՔ–ն արտահայտվել է ԱՄՆ գործերի ժամանակավոր հավատարմատար Դեյվիդ Ալենի մասնակցությամվ քննարկմանը։ Հակոբ Բադալյան, քաղաքական վերլուծաբան The post «Կկոտրեն ոտքերը» չի՞ նշանակում, որ Իրանը դեմ է Թրամփի ուղուն, թե՞ Իրանը Հայաստանի համար պետություն չէ appeared first on Ազգ .