ԵՐԵՎԱՆ, 6 նոյեմբերի - Sputnik. Թուրքիայի Աֆյոնքարահիսար նահանգում ութ մարդու սպանության մեջ կասկածվող անձը հարցաքննության ժամանակ իր գործողությունները բացատրել է պարտքի շուրջ ծագած վեճով, սակայն նրա զոհերի մեծ մասը պատահական անցորդներ են եղել։ Այս մասին հայտնում է ՌԻԱ Նովոստին՝ հղում անելով թուրքական լրատվամիջոցներին:Հարցաքննության ժամանակ Օզդեմիրը պատմել է, որ 2025 թվականին ոմն Ահմեթ Ուզելից 40 հազար եվրոյով հնձվոր-կոմբայն է գնել։ Նա սկսել է աշխատել դրանով, սակայն Իզմիր նահանգում կոմբայնը հանկարծակի բռնկվել և ամբողջությամբ այրվել է։ Անցյալ շաբաթ Ուզելը հայտարարել է Օզդեմիրին, որ վերջինս պետք է վճարի պարտքի մնացած մասը՝ 11 հազար եվրոյի չափով: Օզդեմիրը կարծել է, թե ինքը պարտք է մնացել 4 հազար եվրո: Հեռախոսային վիճաբանությունից հետո Ուզելը երկու ծանոթների հետ ժամանել է Օզդեմիրի հետ հանդիպմանը Այազինի գյուղում, որտեղ Օզդեմիրը սպանել է նրանց որսորդական հրացանից ։Չարագործը պնդում է, որ մնացած հինգը սպանվել են, քանի որ ինքը փորձել է գողանալ նրանց ավտոմեքենաները: