Եթե արտակարգ կամ սակագնային վերանայման սովորական ընթացակարգերից դուրս իրավիճակ չառաջանա, սպառողների համար գազի թանկացում առնվազն մինչև 2027 թվականի մարտ չի սպասվում։ Այս մասին լրագրողների հետ ճեպազրույցում ասել է ՀԾԿՀ նախագահ Մեսրոպ Մեսրոպյանը։ Նա նշել է, որ հանձնաժողովը գազի գնի փոփոխության վերաբերյալ համապատասխան գրություն չի ստացել ո՛չ ռուսական «Գազպրոմից», ո՛չ «Գազպրոմ Արմենիա»-ից։ «Մենք առնվազն մինչև մարտ ամիս գազի թանկացում չենք ունենալու։ Եթե հենց այսօր էլ դիմեն գործընկերները գազը թանկացնելու առաջարկությամբ, դա վերաբերելի է արդեն մյուս վեց ամսվա վերանայմանը, և ձմեռն արդեն դուրս կգանք»,- ասել է Մեսրոպյանը։