ԵՐԵՎԱՆ, 5 նոյեմբերի — Sputnik. Իրանի ազգային անվտանգության բարձրագույն խորհրդի քարտուղար Մոհսեն Ռեզային Ռուսաստանի նախագահ Վլադիմիր Պուտինին է փոխանցել ԻԻՀ գերագույն առաջնորդ Մոջթաբա Խամենեիի ուղերձը: Այս մասին հայտնում է իրանական IRIB պետական հեռուստառադիոընկերությունը՝ վկայակոչելով հենց Ռեզայիին։Ուղերձի բովանդակությունը չի հրապարակվում։Իրանցի պաշտոնյայի խոսքով՝ նա Ռուսաստանի ղեկավարի հետ քննարկել է տարածաշրջանում տիրող իրավիճակը, այդ թվում՝ հետպատերազմյան, ինչպես նաև անվտանգության հարցեր:Ինչպես նշել է Իրանի ազգային անվտանգության բարձրագույն խորհրդի քարտուղարը, Պուտինը հայտարարել է, որ պատրաստ է ցանկացած օգնություն ցուցաբերել Իրանի և ԱՄՆ-ի միջև ռազմական հակամարտության դադարեցման համար:Այսօր Կրեմլում Պուտինը հանդիպել է Ռեզայիի հետ: Բանակցությունները տեղի են ունեցել Սենատի պալատում։ Ռուսական կողմից դրանց ներկա են եղել ՌԴ նախագահի օգնական Յուրի Ուշակովը և ՌԴ ՊՆ գլխավոր հետախուզական վարչության պետ Իգոր Կոստյուկովը:Նոյեմբերի 2-ին իրանական ԶԼՄ-ները հայտնել էին, որ տեղի է ունեցել Պուտինի և Ռեզայիի հեռախոսազրույցը: Գլխավոր թեմաներից մեկը Մերձավոր Արևելքում տիրող իրավիճակն էր։ Կողմերը նաև նշել էին ՌԴ-ի և Իրանի ռազմավարական գործընկերությունը շարունակելու անհրաժեշտությունը՝ երկու երկրների բարձրագույն ղեկավարության կողմից մշակված գործողությունների ծրագրի հիման վրա:Հիշեցնենք, որ հոկտեմբերի 27-ին Մոսկվայումկայացել են Ռուսաստանի և Իրանի նախագահներ Վլադիմիր Պուտինի և Մասուդ Փեզեշքիանի բանակցությունները: Կողմերը քննարկել են երկկողմ համագործակցությանն ու միջազգային թեմատիկային վերաբերող հարցեր: