Վրաստանում ՀՀ դեսպան Աշոտ Սմբատյանին ընդունել է Վրաստանի Աջարիայի Ինքնավար Հանրապետության կառավարության նախագահ Զուրաբ Պատարաձեն։ Այս մասին հայտնում են Վրաստանում Հայաստանի դեսպանությունից: Հանդիպման ընթացքում քննարկվել են Հայաստանի և Վրաստանի միջև ձևավորված ավանդական եղբայրական կապերի և ռազմավարական գործընկերության զարգացմանն առնչվող հարցեր։ Կարևորվել է ՀՀ և ԱԻՀ միջև տնտեսական և գործարար կապերի ընդլայնման ու ակտիվացման անհրաժեշտությունը։ Պայմանավորվածություն է ձեռք բերվել խթանել հայկական ընկերությունների ներգրավվածությունը Աջարիայում իրականացվող ծրագրերում, ինչպես նաև տարբեր ոլորտներում համագործակցության խորացման նպատակով կազմակերպել համատեղ գործարար հանդիպումներ և համաժողովներ։