ԵՐԵՎԱՆ, 4 նոյեմբերի – Sputnik. Նոյեմբերի 5–ից սահմանափակվելու է «Լամբադա» կամրջի ստորին հատվածի երթևեկությունը։ Այս մասին հայտնում է Երևանի քաղաքապետարանը։Քաղաքապետարանը հայցում է քաղաքացիների ներողամտությունը պատճառված անհարմարությունների համար:Հիշեցնենք` նոյեմբերի 2–ին քաղաքապետարանը հայտնել էր, որ Երևանի «Լամբադա» տրանսպորտային հանգույցը բաց է երթևեկության համար, սակայն կամրջի որոշ հատվածներում հիմնանորոգման աշխատանքները կշարունակվեն:Հիմնանորոգման աշխատանքների ընթացքում փոխարինվել են դեֆորմացիոն կարերն ու վնասված սալերը, ամրացվել են հենասյուները, իսկ վերգետնյա մալուխներն անցկացվել են ստորգետնյա եղանակով։«Լամբադա» կամուրջը, որը Քանաքեռ–Զեյթուն, Մոնումենտ և Կոմիտաս շրջանները կապող կարևոր հանգույց է, մասամբ փակ էր սեպտեմբերի 10–ից։