ԱՄՆ նախագահ Դոնալդ Թրամփը կարևոր է համարում, որ Ռուսաստանը մասնակցի Մեծ քսանյակի՝ G20-ի շրջանակում անցկացվող բանակցություններին։ Այս մասին հայտարարել է ԱՄՆ պետքարտուղար Մարկո Ռուբիոն՝ Ատլանտայում G20-ի անդամ երկրների արտաքին գործերի նախարարների հանդիպման արդյունքներն ամփոփող մամուլի ասուլիսում։ «Իմ տպավորությամբ՝ նախագահ Դոնալդ Թրամփը կարևոր է համարում Ռուսաստանի մասնակցությունը G20-ի բանակցություններին», — ասել է Ռուբիոն՝ պատասխանելով Ռուսաստանի արտգործնախարար Սերգեյ Լավրովի՝ հանդիպմանը մասնակցելու և ՌԴ նախագահ Վլադիմիր Պուտինին դեկտեմբերյան գագաթնաժողովին հրավիրելու մասին հարցին։ Ռուբիոն հավելել է, որ չգիտի՝ արդյոք Պուտինը մտադիր է մեկնել Մայամի՝ G20-ի գագաթնաժողովին մասնակցելու համար։ Նրա խոսքով՝ ռուսական կողմը դեռ չի հայտարարել կամ հաստատել իր մասնակցությունը։