ԱՄՆ-ի կողմից ՌԴ ԱԴԾ-ին տեղեկություն է փոխանցվել Մոսկվայում ահաբեկչության նախապատրաստման մասին, հաղորդում է ՏԱՍՍ գործակալությունը։ ԱԴԾ աշխատակիցները համապատասխան աշխատանքներ են իրականացնում։ Ավելի վաղ ԱՄՆ դեսպանատունը նախազգուշացրել էր «զանգվածային զոհերով ուղեկցվող հավաստի սպառնալիքի» մասին, որը վերաբերում էր «Ցարիցինո» պետական թանգարան-արգելոցի տարածքին։ Միևնույն ժամանակ, «Ցարիցինո» թանգարան-արգելոցից հայտնել են, որ իրենք որևէ տեղեկություն չունեն նման սպառնալիքի վերաբերյալ։